دعوة للانضمام الى حملة الاغاثة الانسانية للاجئين في اليونان

الرئيسية » أخبار بلدنا » شو بدو يصير؟ » دعوة للانضمام الى حملة الاغاثة الانسانية للاجئين في اليونان

10/03/2016 - 12:39

احنا مجموعة شباب وصبايا اللي كنا باليونان وتطوعنا مع اللاجئين هناك ، بعد مرجعنا مقدرناش نكمل حياتنا كأنو مصرش اشي ، فبادرنا باطلاق حملة إغاثة انسانية

شو الهدف من الحملة ؟!
- الهدف الاول هو تجميع اكبر مبلغ ممكن من المال لحتى نساعد الاجئين

- الهدف الثاني تجنيد متطوعين للسفر لهناك للمساعدة الميدانية

كيف ممكن تتبرع /ي ؟
في بالصفحة قائمة مندوبين لكل منطقة تقريباً او ممكن ايضاً التواصل مع منظمي الحملة مباشرةً

شو رح نعمل بالتبرعات هناك ؟!
رح نشتري مواد غذائية (مي واكل )
رح نشتري اواعي ضرورية مثل كلسات وبناطلين وغيره
رح نساعد اذا احتاج الامر بشراء معدات مطلوبة للمتطوعين الدائمين هناك
رح نهتم بكل ما يتعلق بالاطفال (قناني اطفال ، حمّالاّت اطفال وغيره )

هل احنا جمعية ؟!
احنا مش جمعية ولا تابعين لاي من الجمعيات ولكن جمعية البير للثقافة والمجتمع مقدمتلنا رعاية
https://www.facebook.com/جمعية-البير-لتنمية-الثقافة-والمجتمع-266339386716339/
بالاشتراك مع الجمعية السويسرية NO MORE WALKING
https://www.facebook.com/No-More-Walking-907385666008607/

طب مين القائمين على الحملة ؟!
نادر بدارنة
محمد كبها
فادية زيد
دعاء زيد
شنتال غطاس
عبد عناية
منير عويدات
ومعنا كمان كثير مندوبين ومعنا انتو وروحكو الحلوة

لقائمة المندوبين اضغط/ي هنا

دعوة للانضمام الى حملة الاغاثة الانسانية للاجئين في اليونان

شارك الخبر